هنا ضعوا ذكرياتكم الدعوية الطريفة والمؤلمة

[سما]

جاتني جارتي مرة وكانت شيعية متسننة (متزوجة سني)وماشاء الله عليه وداها ندوات ومحاضرات وجاب لها سيديات وعرفها عن اخطاء معتقداتهم ولم يجبرها على ذلك بل اقترح عليها مجرد اقتراح ان تتطلع على مذهب اهل السنة والجماعة وما شاء الله عليها كان عندها عقل حر متفتح مع انها من بيت متشدد وكانت جاية تسالني انها قرت حديث لرسول الله انة النامصة عليها لعنة الله بس مذهب الشعة عندهم التنمص حلال اذا كان للزوج جاتني وهي مترددة في ترك هذي الشغلة (حف الحواجب)وانها تحصل سخريةمن قرايبها كانوا حواجبها مو ذاك الزود متان حليوين فقلت لها لاتحفين هذي عليها لعنة مع انك بغيتها لزوجك بس ممكن تنقلب السالفة وتصير ضدك لانة اغضبتي بها الرحمن وقلت لها ترى مافي فرق ولا يتغير شكلك ان حفيتي او لا هذهم مرتبين من الله ما شاء الله عاد تشجعت اكثر وهي كان عندها استعداد لترك حف الحواجب بس تبغي تشجيع والله يجزيها خير ان شاء الله ويثبتها على السراط المستقيم

[سما]

كثر الحسد في مجتمعاتنا والناس رايحة ولاتدري شنهو مضارها على انفسهم قبل غيرهم
تبنيت هالموضوع اول شي انة كنت اعاني منه وقلت ليش ياربي جذي ماتهنى ودوم الناس حاسديني ومايفرحون لي على الي عندي ويقارنون روحهم بي وانهم احسن مني
بديت افكر واتدبر في هالموضوع
شفت الاجنبيات عندهم نفس الي عندنا يعني الاجنبية الكبيرة في السن تلاقين عندها شعر حلو وجميل الله يبارك لها بشعرهاوبنت اصغر بنفس جنسيتها شعرها خفيف قلت ياترى ليش
ااول مافكرت قلت الله سبحانه وتعالى قال انه حرم الظلم على نفسه يعني رب العالمين (ليس بظلام للعبيد) و(ان ما يصيبكم من اعمالكم)قلت انة اشسويت؟
تذكرت جملة(كما تدين تدان)ومادري بصراحة من قائلها وقمت اراجع نفسي للاسف ماكنت اعلم انة عيني حارة وما كنت اعرف كيف اتخلص من هالمشكلة مع اني اقول ما شاء الله
الا وحدة في يوم في المنتدى نبهتنا انة الرسول الكريم قال في حديث ماذكر نصه اذا عجبنا شي عند اخينا فلندعو له بالبركة
ولانكتفي بقول ماشاء الله
وقمت افكر في حديث رسول الله صلى الله عليه وعلى اله وسلم(لايؤمن احدكم حتى يحب لاخيه مايحبه لنفسه)
وعرفت انة من خلف هذا الحيث خير كثير للمؤمن الذي يحب لغيره ما يحبه لنفسه
في النهاية توصلت الى انه
الي عند غيري سواء كان اجنبي او مسلم لازم ادعو له بالبركة لانة الي عندهم الله رزقهم اياه فضل الناس على بعض وكل واحد حصل الي يستاهله واذا حسدنا بيجي غيرنا ويحسدنا ونحس بنفس المعاناة والالم الي سببناه لغيرنا (الله يبعد الشر عنا ان شاء الله)
الكلمتين (الله يبارك لك )الحمد لله بفضله ومنته على قمت اذكرها في كل حين واثرها رهيب حتى عرفت شنو معنى (الا بذكر الله تطمئن القلوب)
لانة صج اذا شفتي وحدة في عيونها نظرة حقد ذكريها بالي عندها ومدحيها وقولي الله يبارك لك فيه تشوفين النظرة تغيرت ولا اعرف شنو الكلمة الي تعبر عنها
الي يحسدون عندهم نقص لازم تخلينهم يتغلبون عليه وتحسسينهم انهم ما يقلون عنك وبعض الناس تقول انة عيني مو حارة مو لازم اقول الله يبارك لك واقول (الا بذكر الله تطمئن القلوب)

وخلاص قمت اقول هالكلام لكل واحد يطري الحسد او انه يعاني منه ناس استجابت وافهمت ونا س الله يهديهم ان شاء الله ويعون لهالكلام
والسلام ختام

[الشـــامـــــخ]

جزاك الله الجنة وفردوسها وجعل ماقدمت في موازين حسناتك

ينقل لقسم الحــــــوار الحــــــــر

[ابو حذيفة الحربي]

لو ان كل اب وام علموا اطفالهم على الامر بالمعروف والنهي عن المنكر لكنا في افضل حال

[أخت عمر]

موقف طريف حصل معي وعمري تقريبا عشر سنوات
كانت أمي ـ الله يحفظها ـ لما نطلع لسوق تعطيني مطويات واوزعها على على الاخوات في السوق المهم مرة من المرات كنت مرة مشغولة ابغا اخلص بسرعة علشان العب مع أقاربي فانا متحمسة مرة اعطني اي حرمة اشوفها ومرة مديت يدي لوحدة انتظرها تاخذ ماخذت ارفع راسي واشفها المجسم الى يعرضون عليه الملابس انحرجت مررة والي حوووالي ميتين ضحك علي طول أنا في حضن أمي لا حد يشوفيني ..
أتمنى ينال على اعجابكم هذا الموقف .. ومشكورة أختي على هذا الموضوع الرائع..

[سما]

هههههه الله يبارك فيك انشاء الله

[تألق]

يسلم الجميع

مشاركات طيبة

هيا نريد المزيد لكي نفيد ونستفيد

[الوردة الخجولة]

جزاك الله الجنة بلا عقاب ولا حساب
والله عقلي اللحين مطفي افكر وارجع للموضوع

تحياتي لك

[تألق]

اقتباس   المشاركة الأصلية كتبت بواسطة الوردة الخجولة جزاك الله الجنة بلا عقاب ولا حساب والله عقلي اللحين مطفي افكر وارجع للموضوع تحياتي لك

تقبل الله دعائك

وليش عقلك مطفي؟؟

أوصليه بالشاحن

[البارقة]

بارك الله فيك وفيما قدمت.. نسأل الله الهدى والتقى والعفاف والغنى اللهم آمين ..

[خـالد]

السلام عليكم

قبل كم سنة كان فيه عامل جديد بمحطة بنزين , المهم كنت دايم اجي اعبي بنزين من عنده

وادردش معه

مرة قال لي انه مب مسلم , فقلت بيني وبين نفسي لابد يعتنق الإسلام على يدي

ورحت لمكتب توعية الجاليات وقلت ابي كتب إسلامية وعطوني جزاهم الله خير

جيت لمه وعطيته لكن ما اعجبه الوضع وقال انا ماعرف اقراء اللغه هذي

لأن ديرتهم اللي هو جاي منها فيها كم لغة

رجعت مرة ثانية لمكتب الجاليات وقلت عطوني كل اللغات , ماقصروا معي

جيت لمه وعطيته لكن الرجال عيا يشووف الكتب وعيا يأخذهن

وللأسف انا عصبي ))بعد مشادات كلامية مادريت إلا وانا قاعد ادبغه عشان يأخذهن

انا ماقد قلت الموقف هذا لاحد ابد , لأني كنت ابي الأجر

بعد الموقف هذا عرفت ان اسلوبي ماينفع لهكذا امور

[تألق]

لابد من تحسين الأسلوب

عفوا،، ما معنى أدبغه؟ لم أفهم !

[خـالد]

أدبغه : هي مجموعة من الحركات البهلوانية مثل الركل والصفع و الخنق وغيرها من الحركات التي يقصد منها أذية الطرف المدبوغ وجعله يتراجع عن موقف قد أتخذه

هذا تعريف الدبغ باللغة العربية

وبالعاميه يعني ضربته

[تألق]

!!!!!!!!!!

هذا الأسلوب قطعا لا يصلح في الدعوة ولا غيرها ,,

[الرزان]

تبـــــــــــــــــارك الله
موضوعك رآآآئع



سبحان الله وبحمده سبحان الله العظيم
سبحان الله وبحمده سبحان الله العظيم