شبكــة أنصــار آل محمــد

شبكــة أنصــار آل محمــد (https://ansaaar.com/index.php)
-   بيت الشعـــر وأصنافـــه (https://ansaaar.com/forumdisplay.php?f=62)
-   -   يا بوي تكفى ابي مثـــل اخــوي سيــاره (https://ansaaar.com/showthread.php?t=1822)

عبد الرحمن العبيكان 28-01-11 09:05 PM

يا بوي تكفى ابي مثـــل اخــوي سيــاره
 
يا بوي تكفى ابي مثـــل اخــوي سيــاره
يا بوي تكفى ابي مثـــل اخــوي سيــاره *** وش عاد أنا بنـت إن كانك بترضينــــي
اروح بها المدرسة و أدخل بها الحـــاره *** و أركـب اللـي أبــي حتـــى يخاوينـــي
أكشخ بها فـــي البلــد و أغايــر الجــاره *** و أروح لا قالت صديقــة لـــي مرينــي
و نروح للمنتزه و نداعــــب أزهـــــاره *** وأشرب من البيبس إلين البيبس يرويني
وإلا نروح الثمامـــة معمــــع الغـــــاره *** فوق الطعـوس الحمر نبحث عن الزيني
لأجل نتحـدى شبـاب يلاعـــب الطـــاره *** حتــــى يعــرفــــون إن الحــق بيدينـــي
لا تخاف يا أبوي ترانـي بنـــت جبـــاره *** إن صرت أفحـط فمـا أحــد يبارينـــــي
يا بوي أنا بنت و أبغى أحــط نظـــــاره *** حتى شبــاب الثمامـــة يعجبـــوا فينــــي
يمكن يجي عاشـــق معـروف مقــــداره *** اعطيه نظره و هــو لابــــد يعطينــــــي
و إذا وقفنا ســــوى عنـد أول إشـــــاره *** يعطيني الرقـــــم قبــــــل إنــه يخلينـــي
و أكلمه و أعرفـه و أبيــــن أســـــراره *** و أقول لــه تقدم لــي يا نظــــر عينــــي
و إذا طلب إنـي أنــــا أجيــه بزيـــــاره *** لو كـــان مره علـــــى بيتـــه يورينـــــي
و يقول والله أحـــب الزين يـا ســــــاره *** أنـــــا دخيـــلك بقــربــك لا تحرمينـــي
وش عاد لو جيت عنده في فنــــى داره *** مـا دام بكــره بيطلــب منكـــم ايدينـــــي
و أدخل معه غرفتــه مانــي بمحتـــاره *** وأشوف ذوقه ما دامـه شخص شارينـــي
و أشرب معه كاس و آخذ منه سيجاره *** مجاملـــة حـــب حتــــى إنـــــه يسلينـــي
من قــال يا بوي أطلب منـــك طيـــاره *** سيـــــــارة بـــــس للنكبــــه تودينــــــــي

شعر\ عبدالرحمن ناصر العبيكان

علي السلفي 28-01-11 10:14 PM

بصراحة كثير من الكلمات لم افهم معناها بارك الله بك

الرميزان 28-01-11 11:12 PM

شعرك وااايد حلو
مع أني مالي في الشعر
يعطيك العافية

عبد الرحمن العبيكان 29-01-11 01:36 AM

الاخ علي ماهي الكلمات التي لم تفهمها لتوضيحها
الاخ الرميزان شكرا ارجو ان تكون اعجبتك هذه الفكرة


الساعة الآن 09:14 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
This Forum used Arshfny Mod by islam servant